Дүйшөнбек Зилалиевдин үй камагына чыгарылган эместиги белгиленди

  • 2 недели мурун

Бүгүн, 23-сентябрда, адвокат Самат Матцаков Дүйшөнбек Зилалиевдин үй камагына чыгарылганы тууралуу маалыматты четке кагып, Зилалиев тергөө абагында жатканын «ПолитКлиника» медиасына билдирди. Адвокат Матцаков фейк-маалыматтарга ишенбөөгө чакырды.

Буга чейин экс-премьер-министр Дүйшөнбек Зилалиевдин тергөө иштери аяктагыча үй камагына чыгарылганы тууралуу маалыматты 24 kg агенттиги күч структураларындагы жеке булактарынын айтуусу боюнча маалымдаганын «ПолитКлиника» медиасы да жазган.

Бишкектин Биринчи май райондук соту мурдагы вице-премьер-министр Дүйшөнбек Зилалиевди 4-ноябрга чейин камакка алуу чечимин кабыл алган.

Зилалиевдин бөгөт чарасы 14-сентябрда каралган. Ал №1 тергөө абагына киргизилген.

13-сентябрда экс-вице-премьер министр Дүйшөнбек Зилалиев менен Геология жана жер казынасын пайдалануу мамлекеттик агенттигинин экс-директору Мелис Сатыбеков кармалган.

Улуттук коопсуздук мамлекеттик комитети (УКМК) алар лицензия берүү боюнча коррупцияга шек саналып жатканын билдирген.  

Эске сала кетсек, 2022-жылы козголгон кылмыш иштин алкагында УКМК тарабынан өнөр жай, энергетика жана жер казынасын пайдалануу мамлекеттик комитетинин мурдагы жетекчиси Дүйшөнбек Зилалиев кармалган.

Дүйшөнбек Зилалиевге кылмыш-жаза кодексинин 308-10-беренеси («Мыйзамсыз баюу») боюнча кылмыш иши козголгон. Ал 2010-2017-жылдары ар кыл жетекчи кызматтарда, анын ичинде КР Геология жана минералдык ресурстар агенттигинин директору, вице-премьер, ошондой эле мамлекеттик мүлк фондунун директору болуп иштеп, расмий кирешесинен тышкары байлык топтогондугу боюнча айыпталган.

Дүйшөнбек Зилалиев ошондой эле 2018-жылы декабрда мыйзамсыз баюуга шектелип камакка алынган. 2020-жылы октябрда Бишкектин Биринчи май райондук соту Зилалиевди күнөөлүү деп таап, 9 жылга эркинен ажыраткан. Бирок 2021-жылы июнда Жогорку сот мурдагы инстанциядагы чечимдерди жокко чыгарып, ишти кайрадан кароого жөнөткөн. Мыйзамсыз баюуга шектелип камакка алынган мурдагы вице-премьер-министр Дүйшөнбек Зилалиев тергөө абагынан бошотулган. 

Сүрөт: kenesh.kg

Муну бөлүшүү

Окшош жаңылыктар

Журналисттик иликтөөлөр

Помочь проекту

договором оферты