Болот Темировду өлкөдөн чыгаруу: Эл аралык уюмдар сот чечимине тынчсызданышууда
- 2 года мурун
- Баяндар
Эл аралык уюмдар иликтөөчү журналист Болот Темировду өлкөдөн чыгаруу тууралуу 23-ноябрдагы сот чечимине тынчсыздануусун билдиришти.
Европа Биримдигинин Кыргызстандагы өкүлчүлүгү бул чечим сөз эркиндиги жана иликтөөчү журналисттердин жеке коопсуздугуна кепилдик берүү боюнча эл аралык милдеттенмелерге каршы келет деп эсептейт.
«Биз кыргыз бийлигин бул фундаменталдык эл аралык принциптерди толук сактоого чакырабыз», — деп айтылат өкүлчүлүктүн Твиттерге жарыялаган билдирүүсүндө.
1️⃣ We are deeply concerned by the verdict of the Bishkek City Court to expel prominent journalist Bolot Temirov and by his harsh immediate detention.
— EU in Kyrgyzstan (@EUinKyrgyzstan) November 23, 2022
АКШнын Кыргызстандагы элчилиги да Твиттерге билдирүү таратып, «Журналисттерге өч алуудан коркпой иштөөгө мүмкүнчүлүк берилиши керектигин, сөз эркиндиги Кыргызстандын Конституциясы менен корголгонун, бул укуктар сакталышы зарылдыгын» белгиледи.
Бишкек шаардык сотунун журналист Болот Темировду депортациялоо боюнча чечими демократиялык принциптерге каршы келет. Журналисттерге өч алуудан коркпой иштөөгө мүмкүнчүлүк берилиши керек. Сөз эркиндиги Кыргызстандын Конституциясы боюнча корголгон – бул укуктар сакталышы зарыл.
— U.S. Embassy Bishkek (@USEmbassyKG) November 23, 2022
Ушул сыяктуу билдирүүлөрдү Улуу Британиянын, Франциянын элчиликтери да таратышты.
«Чек арасыз кабарчылар» эл аралык уюму президент Садыр Жапаровго кайрылып, журналисттин укугун коргоого үндөдү. Аталган уюм RSF Awards 2022 сыйлыгына көрсөтүлгөн талапкерлердин арасында Болот Темировдун да ысымы бар.
🚨🇰🇬#Kirghizistan: Bolot Temirov @vahoel, nominé au Prix #RSF 2022, vient d’être arrêté pour être expulsé en #Russie. RSF appelle le président @sadyrzhaparov, contre lequel le journaliste d’investigation voulait porter plainte, à suspendre son expulsion & à rendre ses passeports. pic.twitter.com/jKPKLVnEYK
— RSF (@RSF_inter) November 23, 2022
Норвегиянын Хельсинки комитети Темиров Орусияга депортацияланышы мүмкүн деген маалыматка тынчсызданып, Орусияда журналисттердин коопсуздугу коркунучта экенин эске салды.
The Norwegian Helsinki Committee is concerned about reports today that #Kyrgyzstan authorities intend to deport Bolot Temirov, possibly to the Russian Federation. We assume Kyrgyz authorities are aware of the threats to life and health facing journalists in Russia. Photo: NHC pic.twitter.com/eHiTAszI8A
— Norwegian Helsinki Committee (@nhc_no) November 23, 2022
Бүгүн, 23-ноябрда, Бишкек шаардык соту Болот Темировду өлкөдөн чыгаруу чечимин чыгарды. Аны сот залынан кармап алып кетишти.
28-сентябрда Свердлов райондук сотунда судья Акылбек Адимов ага карата маңзат боюнча коюлган айып негизсиз экенин айтып, аны актаган чечим чыгарган. Алган паспорту менен чек арадан өткөнү мыйзамдуу болгонун билдирип, ал боюнча да актоо чечимин чыгарган. Судья Болот Темировго тергөөчүлөр койгон айыптарга далил көрө албаганын белгилеген. Райондук соттун өкүмүнө нааразы болуп прокуратура шаардык сотко кайрылган.
Ал эми документ жасалмалоо деген берене боюнча айыптуу деп таап, бирок жаза чарасы белгиленген эмес.
Сүрөт: RF/Rl