Бишкекте фонтандар өчүрүлдү
- 1 месяц мурун
Бүгүн, 15-октябрдан тартып, борбор шаардагы муниципалдык менчиктеги фонтандар өчүрүлүп, кышка даярдалат. Бул тууралуу Бишкек мэриясы билдирди.
Өчүрүлгөндөн кийин «Тазалык» муниципалдык ишканасынын жумушчулары фонтандардын бассейндеринен сууну агызып, тазалоо иштерин башташат.
Ала-Тоо аянтындагы фонтанда да өчүрүлөт. Кыш мезгилине даярдык көрүүнүн алкагында подряддык уюм бардык фонтан курулуштарын консервациялоону, анын ичинде сууну агызууну, системаларды тазалоону жана коргоочу конструкцияларды орнотуу иштерин аткарат.
Сүрөт: bishkek.gov.kg
Муну бөлүшүү
