Азаттыктын сайттарына коюлган бөгөт алынды

  • 9 месяцев мурун

«Азаттык Медиа» мекемесинин azattyk.org жана rus.azattyk.org сайттарына Маданият жана маалымат министрлигинин чечими менен былтыр октябрда коюлган бөгөт алынды. Бул тууралуу «Азаттык» өзү жазды.

12-июлда Бишкек шаардык соту маданият, маалымат, спорт жана жаштар саясаты министрлиги менен “Азаттык Медиа” мекемесинин ортосундагы тынчтык келишимди бекитти. Ошону менен Ленин райондук сотунун 27-апрелдеги “Азаттыктын” ишмердигин токтотуу боюнча чечимин жокко чыгарды жана соттук териштирүүнү токтотту. Маданият, маалымат, спорт жана жаштар саясаты министрлиги Санариптик өнүктүрүү министрлигине бөгөттү алып салуу боюнча кат жөнөткөн.

Бүгүн, 14-июлдан тартып өлкөнүн бардык аймактарында «Азаттыктын» сайттары иштей баштайт.

Эске салсак, былтыр 26-октябрда, Кыргызстандын маданият, маалымат, спорт жана жаштар саясаты министрлиги “Азаттык Медиа” мекемесинин веб-сайтын эки айга бөгөттөө чечимин чыгарган. Январь айында аны белгисиз мөөнөткө узарткан. Министрлик өз арызын Кыргызстанда былтыртан бери иштей баштаган “Анык эмес (жалган) маалыматтан коргоо жөнүндө” мыйзамга негиздеген.

Муну бөлүшүү

Журналисттик иликтөөлөр

Помочь проекту

договором оферты