Атамбаевге жакындары менен жолугушууга уруксат берилди
- 2 года мурун
Мурдагы президент Алмазбек Атамбаевге жакындары менен жолугушууга уруксат берилди. Бул тууралуу жактоочу Замир Жоошев Фейсбуктагы баракчасына жазып чыкты.
«Алмазбек Шаршенович кардиология борборунда медициналык текшерүүдөн өтүп жатат», — деп жазды ал.
Буга чейин Алмазбек Атамбаевди улуттук кардиология борборуна жаткырылган.
Кыргызстанды 2011-2017-жылдары башкарган Атамбаевге «Батукаев иши», Кой-Таш окуялары, Октябрь окуялары боюнча, мындан тышкары кылмыштуу жол менен алынган кирешени адалдаштыруу, Бишкектин Жылуулук электр борборун (ЖЭБ) модернизациялоо, Калыс-Ордо конушундагы мектептин курулушуна бөлүнгөн акчадан уурдоо, паспортторду мыйзамсыз жазып берүү өңдүү айып коюлган.
Кримтөбөл Азиз Батукаевдин 2013-жылы абактан мыйзамсыз бошотулушуна байланыштуу Атамбаев жакында 11 жылга эркинен ажыратылды. Калган иштер боюнча сот уланууда.
