Ала-Тоо аянтында Нооруз майрамы белгиленди (Фоторепортаж)

Бүгүн, 21-март күнү Ала-Тоо аянтында Нооруз майрамы белгиленди. Иш-чарага президент Садыр Жапаров, Бишкек шаарынын мэри Эмилбек Абдыкадыров, депутаттар жана коноктор катышышты. 

“ПолитКлиника” медиасы Ала-Тоо аянтындагы майрамдык маанайды сүрөттөр менен баяндайт. 

Нооруз майрамы тууралуу

Нооруз – Жакынкы Чыгыш өлкөлөрүндө жана Борбор Азияда, анын ичинде Кыргызстанда кеңири белгилене турган негизги майрамдардын бири.

“Нооруз” байыркы фарс тилиндеги “науруз” сөзүнөн алынып, кыргыз тилинде “нау” – “жаңы”, “руз” – “күн” деген маанини берет. Эски жыл эсеби боюнча 21-март күнү белгиленет. Бул күнү күн менен түн теңелет. 

Совет бийлиги учурунда Кыргызстанда бул майрамды белгилөөгө тыюу салынып келген. 1988-жылы гана майрамдоого уруксат берилген. Бирок Кыргызстан Нооруз майрамын жыл сайын белгилөөгө эгемендик алгандан кийин гана жетишкен. 

1991-жылы 1-февралда Жогорку Кеңеште 21-март элдик Нооруз майрамы деп бекитилген.

Автор: Гулиза Урустамбек кызы