Жыл башынан бери Бишкек шаардык бюджетке 4 миллиард сом түштү
- 2 года мурун
Жыл башынан бери Бишкек шаардык бюджетке 4 миллиард сом түштү. Бул тууралуу мэриянын басма сөз кызматынан билдиришти.
Мэр Эмилбек Абдыкадыровдун 100 күндүк ишинин жыйынтыктарына арналган пресс-конференциясы өтүп жатат.
Иш-чаранын жүрүшүндө жергиликтүү бюджетке 2022-жылдын январынан апрелге чейин 3 миллиард 910 миллион 6 миң сом же пландан 102,1 пайызга түшкөнү белгилүү болду. Пландан тышкары 80 миллион сомдон ашык каражат түшкөн. Жергиликтүү кирешелердин көлөмүндө негизги орунду салыктык кирешелер ээлейт, алардын иш жүзүндө түшүүсү 3 миллиард 555 миллион сомду же 117,6 пайызды түздү, план 531 миллион сомго ашыкча аткарылды. Быйылкы жылдын январынан апрелге чейин Бишкек шаарында негизги капиталга 6 миллиард 858 миллион 200 миң сом инвестиция өздөштүрүлгөн, бул 35,5-жылдын ушул мезгилине караганда 2021 пайызга көп. Курулуштун дүң продукциясынын көлөмү 7 миллиард 454 миллион 4 миң сомду түздү. -жылдын январь-мартында номиналдык орточо айлык эмгек акы 26 496,2 сомду түздү жана 2021-жылдын ушул мезгилине салыштырмалуу 10,5 пайызга көбөйдү. Бишкек шаарында жашоо минимуму калктын жан башына орточо алганда быйылкы жылдын үч кварталында 6 854,31 сомду түздү жана 2021-жылга салыштырмалуу 16,3 пайызга көбөйдү. Кыргыз Республикасынын Бюджеттик кодексине ылайык Бишкек шаарын 2023-жылга социалдык-экономикалык өнүктүрүү программасынын жана 2024-2025-жылдарга болжолдун долбоору иштелип чыкты. Ал Бишкек шаардык Кеңешинин кароосуна киргизилди. “Бишкек – 2026. Жакшы сакталган жана жашыл борбор” орто мөөнөттүү өнүктүрүү стратегиясынын долбоору иштелип чыгып, аны Бишкек шаардык кеңеши 2022-жылдын 26-майында жактырган.
