Журналист Семетей Талас уулунун үйүн тинтүүгө алып, өзүн кармап кетишти

Эркин журналист Семетей Талас уулун күч органдарынын кызматкерлери кармап кетишти. Бул тууралуу анын жубайы «ПолитКлиника» медиасына билдирди.

Маалыматка ылайык, күч органдары журналисттин үйүндө тинтүү жүргүзүп, диний китептерди алып чыгышкан. Андан соң Семетей Талас уулун кармап кетишкен.

Учурда журналистти кайсы мекеме кармап кеткени жана ага эмне айып коюлуп жатканы белгисиз. Расмий органдардан маалыматты тактоо мүмкүн боло элек.

Семетей Талас уулу бийликти сындап жазган билдирүүлөрү менен белгилүү.