Жогорку окуу жайларга кышкы кабыл алуунун IV этабы башталды
- 2 года мурун
Жогорку окуу жайларга кышкы кабыл алуунун IV этабы башталды. Бул тууралуу Билим берүү жана илим министрлигинен билдиришти.
Маалыматка ылайык, 23-январда жогорку окуу жайларга келишимдик негизде окуу үчүн кышкы кабыл алуунун IV туру башталган.
Сынакка катышуу үчүн талапкерлерди каттоо 23-январда башталып, 25-январь күнү саат 14:00до аяктайт. Кабыл алууга сунушталган абитуриенттердин тизмеси 26-январь күнү саат 9:00гө чейин жайгаштырылат.
Кабыл алууга сунушталган абитуриент окууга болгон каалоосун 2023-жылдын 28-январы саат 16:00го чейин тастыктоосу керек.
I, II, III турдун жыйынтыгы менен жалпысынан 693 талон катталып, ЖОЖдор 656 абитуриентти кабыл алууга сунуштаган. Андан 554 абитуриент окууга болгон каалоосун ырастады.
Муну бөлүшүү
