Жер ортолук деңизинде кеме кыйрап, 200дөн ашык пакистандык мигрант каза болду

  • 12 месяцев мурун

Жер ортолук деңизинин Грекияга жакын жээгинде 209 пакистандык сууга чөгүп өлдү. Бул тууралуу Reuters агенттиги Пакистандын Федералдык тергөө агенттигине шилтеме кылып жазды.

Өткөн жумада жүздөгөн мигрант бараткан чакан кеме ачык деңизде көмкөрүлүп, чөгүп кеткени кабарланган.

Каза болгон мигранттардын жакындарынын айтымында, узундугу 20-30 метрлик кеме менен 400гө жакын киши Ливиядан Грекияны көздөй бараткан.

Буга чейин кырсыкка кабылган кемедеги жүргүнчүлөрдүн 181и пакистандык, дагы 28и Кашмирден экени кабарланган. Медиктер 200дөн ашык үй-бүлөнүн генетикалык үлгүлөрүн чогултканы айтылды.

Африканын түштүгүндөгү жакырчылыктан, Жакынкы Чыгыштагы туруксуздуктан улам Европага жетүүнү самап, мыйзамсыз, талапка жооп бербеген кайыктарга түшкөн миңдеген мигранттар көбүнчө Ливия аркылуу ушул деңиз жолун тандашат.

Эл аралык уюмдар жыл сайын бул жолдо жүздөгөн мигрант сууга чөгүп өлөрүн маалымдап келет.

Акыркы жылдары мынчалык көп киши өлгөн трагедиялык окуялар Жер ортолук деңизинде катталган эмес.

Муну бөлүшүү

Журналисттик иликтөөлөр

Помочь проекту

договором оферты