Жалал-Абадда уурулук боюнча 4 кылмыштын бети ачылды
- 2 года мурун
Жалал-Абадда уурулук боюнча 4 кылмыштын бети ачылды. Бул тууралуу Жалал-Абад ОИИБинин басма сөз кызматынан билдиришти.
Маалыматка ылайык, мүлк уурулуктарынын алдын алуу жана болтурбоо, уурулук фактыларына бөгөт коюу максатында, облустун аймагында 24-25-февраль күндөрү «Чөнтөк ууру» аталышындагы ыкчам-издөө иш-чаралары өткөрүлдү.
Аталган иш-чаранын алкагында базарларда, эл көп жүргөн жерлерде, коомдук транспорттордо жана буга чейин катталаган уурулук фактыларынын бетин ачуу максатында ыкчам издөө иштери жүргүзүлдү. Иш-чаранын жыйынтыгында Кылмыш жаза кодексинин 205-беренесинин (уурулук) негизинде козголгон 4 кылмыш иши боюнча уурулуктардын бети ачылып, мурда бир нече жолу соттолуп издөөдө жүргөн 1 кылмышкер кармалды.
Муну бөлүшүү
