Жалал-Абад милициясы мушташка катышкандардын төртөөнү аныктады

2-июлда кечинде, саат 20:20 чамасында Жалал-Абад шаарындагы супермаркеттердин биринин алдында мушташып, ызы-чуу салган балдардын төртөө аныкталды.  

Бул тууралуу Жалал-Абад облустук ички иштер башкармалыгынын басма сөз кызматы билдирди.

Бул окуя Жалал-Абад щаардык ички иштер бөлүмүнүн (ШИИБ)  маалыматтардын электрондук журналына катталып, текшерүү иштери башталган.

Ыкчам-иликтөө иштеринин натыйжасында окуяга катыштыгы бар Жалал-Абад шаарынын 21 жаштагы 4 тургуну милиция бөлүмүнө жеткирилди.

Азыркы учурда окуянын калган катышуучуларын аныктоо иштери жүрүп жатат.

Алдын ала маалыматтар боюнча ызы-чуу ич ара пикир келишпестиктен улам келип чыккан.