Ысык-Көлдө турак үйдөн өрт чыкты

2 года мурун

Ысык-Көлдө турак үйдөн өрт чыкты. Бул тууралуу Өзгөчө кырдаалдар министрлигинин басма сөз кызматынан билдиришти.

Ага ылайык, кечээ, 13-декабрь күнү болжол менен саат 14:20да Түп районуна караштуу Түп айылынын Осмонов көчөсүндө жайгашкан турак үй күйүп жаткандыгы тууралуу маалымат 112 кызматына келип түшкөн.

Жерине Түп райондук №34 өрткө каршы куткаруу бөлүмүнөн бир күжүрмөн эсеп тартылып, саат 14:40дө чектөөгө алышкан. Өрт өчүрүүчүлөрдүн аракети менен 15:38де толук өчүрүлдү. Жалпысынан үйдүн 12 чарчы метри күйгөн.

Учурда өрттүн келип чыгуу себеби такталууда.