УКМК жарандарды радикалдуу жана салттуу эмес агымдардан алыс болууга чакырды

УКМК жарандарды өлкөнүн калкы үчүн салттуу исламды карманууга, радикалдуу жана салттуу эмес агымдардан алыс болууга чакырды. Бул тууралуу УКМКнын басма сөз кызматынан билдиришти.

УКМК тарабынан “Диний чөйрөдөгү мамлекеттик саясаттын концепциясын” ишке ашыруунун алкагында, коомдун радикалдашуусунун алдын алууга багытталган тиешелүү иш-чараларды жүргүзүүдө.

«Кыргызстандын айрым жарандары калк үчүн салттуу эмес диний агымдардын принциптеринде үчүнчү өлкөлөрдө өз алдынча диний билим алгандар, жашаган жерине келгенде, анын ичинде жалпыга маалымдоо каражаттары аркылуу, алар кеп учурда мыйзамдуулуктун чегинен чыгып кеткен жогоруда аталган диний агымдардын идеологияларын жайылта башташат. Жыйынтыгында коомдо өздөрүнүн тар түшүнүгүнүн принциптеринин негизинде жана белгилүү ислам аалымдарынын окууларын тааныбаган айрым диний топтор пайда болуп, ошону менен башка динге ишенгендерге пайда болууда. Салттуу эмес «Салафия» диний агымдардын үгүтчүлөрү, намаз окуп жатканда катуу үн менен «Аминь» деп кыйкырып, буттарын өтө кең жайышат, «такбирде» колдорун көкүрөк деңгээлине гана көтөрүшөт, жана ошондой эле намаз учурунда алар ханафий масхабынын нормалары боюнча кабыл алынгыс көптөгөн керексиз кыймылдарга жол беришет», — деп жазылат маалыматта.

Ушуга байланыштуу мындай адаттан тыш агымдардын алдын алуу үчүн УКМК жана Кыргызстан мусулмандарынын дин башкармалыгы элибизди сергек болууга жана диний билимди ишенимдүү булактардан, белгилүү диний ишмерлерден алып, диний сабаттуулукту өнүктүрүүгө чакырат.