УКМК: «Баткен облусунда контрабандалык жүк кармалды»
- 2 года мурун
Баткен облусунда контрабандалык жүк кармалды. Бул тууралуу УКМКнын басма сөз кызматынан билдиришти.
Маалыматка ылайык, 15-майда УКМК жана УКМКнын Чек ара кызматы тарабынан Кадамжай районундагы кыргыз-өзбек мамлекеттик чек арасынын бейтарап аймагынан П.А. аттуу жаранынын башкаруусундагы Mercedes Benz Sprinter үлгүсүндөгү унаа 325 унаа дөңгөлөктөрү менен кармалган.
Соода-өнөр жай палатасынын адисинин эксперттик корутундусуна ылайык, кармалган контрабандалык товардын жалпы суммасы 520 миң сомду түзөт.
Жогорудагылардын негизинде УКМК 26-май күнү Кылмыш-жаза кодексинин 231-беренеси (Экономикалык контрабанда) менен кылмыш иши козголду.
Азыркы учурда керектүү процессуалдык чаралар көрүлүүдө.
Муну бөлүшүү
