УКМК: «7 тонна селитраны контрабандалык жол менен алып өтүү фактысы аныкталды»
- 2 года мурун
7 тонна селитраны контрабандалык жол менен алып өтүү фактысы аныкталды. Бул тууралуу УКМКнын басма сөз кызматынан билдиришти.
8-март күнү КР Ж.А.У. аттуу жаранынын башкаруусундагы “Мерседес-Бенц” үлгүсүндөгү авто унаа кармалган.
Текшерүү учурунда унаанын ичинен Өзбекстандан өндүрүлгөн минералдык жер семирткич түрүндөгү, товардык документтери жок контрабандалык жүк табылган.
Жүргүзүлгөн иштердин жыйынтыгы менен жогорудагы жарандын мыйзамсыз иш-аракеттери документтештирилип, унаасы жүктөрү менен унаа токтотуучу жайга, сактоого коюлду.
Бул факты боюнча ыкчам-издөө иш-чаралары жүрүп жатат.
Муну бөлүшүү
