Туйгуналы Абдраимов 30-июнга чейин камакта калтырылды

  • 4 жума мурун

Туйгуналы Абдраимов 30-июнга чейин камакта калтырылды. Бул тууралуу ЖМКлар Биринчи Май райондук сотунун басма сөз кызматына таянып жазышты.

Маалыматка ылайык, ал 30-июнга чейин УКМКнын тергөө абагында болот.

 УКМКнын маалыматы боюнча, Туйгуналы Абдраимов кызмат абалынан кыянат пайдаланууга шек саналууда.

БШК төрагасы болуп турган учурунда Чүй облусунун Ысык-Ата районунун Жээк айыл аймагында “Кайнар” компаниясына таштанды полигону үчүн 11,2 гектар жерди акысыз мыйзамсыз берүүгө айыл өкмөттөгүлөрдү мажбурлаганы боюнча кине коюлууда.  Ал эми Абдраимовго аталган компаниядан 95 % үлүш тиешелүү болгон.

“Кайнар” бардык экологиялык-санитардык талаптарды аткарууга милдеттүү болгон. Келишимге ылайык, Кант шаарынын мэриясы 2015-жылдан баштап жылына 250 миң сомду таштанды утилизациясы үчүн төлөп турган.  Бирок “Кайнар” компаниясы таштандыны утилизациялоо талаптарын аткарбагандыгы, таштандыны топтой бергендиги белгиленди.   

Туйгуналы Абдраимов УКМК убактылуу кармоо жайына камалганы айтылды.

Муну бөлүшүү

Журналисттик иликтөөлөр