Венесуэлада бийлик өткөрүлүп берилгенче, аны АКШ башкарарын Трамп билдирди
- 5 месяцев мурун
АКШнын президенти Дональд Трамп 3-январда Венесуэланын президенти Николас Мадуро кармалгандан кийин, Кошмо Штаттар бул өлкөдө бийликти легитимдүү жетекчиликке «коопсуз жана чыныгы өткөрүп берүү» камсыз болгонго чейин Венесуэланы АКШ башкарарын билдирди.
«Биз Венесуэла элин бай жана көз каранды эмес кылабыз, анын коопсуздугун камсыздайбыз», — деди Трамп.
3-январга караган түнү АКШ Венесуэлада атайын операция жүргүзүп, өлкө президенти Николас Мадурону жана жубайын кармап кеткенин расмий жарыялады. Венесуэланын лидерине Нью-Йоркто баңгизат жана курал-жарак боюнча айыптар коюлду.
АКШнын башкы прокурору Памела Бонди социалдык түйүнүндөгү баракчасына жазгандай, Николас Мадуро Кошмо Штаттарга каршы максатта баңгизат терроризми, кокаин импорту, курал жана жардыргыч зат сактоо боюнча кутум уюштурган деп айыпталууда.
