«Торугарт» жана «Эркештам» көзөмөл өткөрүү бекеттери мындан ары дем алышсыз иштейт

Кыргыз-кытай мамлекеттик чек арасында жайгашкан «Торугарт» жана «Эркештам» көзөмөл өткөрүү бекеттеринин иштөө графиги өзгөрдү. Бул тууралуу УКМКнын Чек ара кызматы билдирди.

Ага ылайык, ушул жылдын декабрынан тартып аталган өткөрмө бекеттери күн сайын, дем алышсыз иштейт.

Чек ара кызматы «Торугарт» жана «Эркештам» көзөмөл өткөрүү бекеттери Кытайдан Кыргызстанга автоунааларды жана жүктөрдү ташууну гана караган атайын алгоритм менен иштеп жатканын эскертти.