ТИМ Шереметьево аэропортундагы кыргызстандыктардын абалы көзөмөлдөнүп жатканын билдирди

6 месяцев мурун

Тышкы иштер министрлиги Шереметьево аэропортундагы кыргызстандыктардын абалы көзөмөлдөнүп жатканын билдирди.

Маалыматка ылайык, Шереметьеводо 20га жакын кыргыз жараны ар кандай себептер менен паспорттук текшерүүдөн өтө албай жатат. Алар тамак-аш менен камсыз болду.

Элчиликтин кызматкерлери аэропортто жарандар менен байланышта болуп, учурда аларды кийинки каттамдарга Кыргызстанга жөнөтүү маселесинин үстүндө иштеп жатышат.