ТИМ Индиядагы поезд кырсыгынан жабыркаган кыргызстандыктар жок экенин билдирди

11 месяцев мурун

Кыргызстандын Тышкы иштер министрлиги Индиядагы поезд кырсыгынан жабыркаган кыргызстандыктар тууралуу азырынча маалымат түшпөгөнүн билдирди.

2-июнда Индиянын чыгышындагы Одиша штатында эки жүргүнчү жана бир жүк ташыган поезд кагышып, кеминде 288 адам мерт кетип, дагы 900дөй киши жаракат алды. Reuters агенттиги кырсыктан каза болгондор дагы көбөйүшү мүмкүн экенин жазды.

ТИМ Кыргызстандын Индиядагы элчилиги кырдаалды көзөмөлдөп жатканын, азыркы учурда кырсыктан жабыркаган кыргыз жарандары тууралуу маалымат түшпөгөнүн билдирди.