Ташиев зордук-зомбулук көргөн аялдарды УКМКга кайрылууга чакырды
- 8 месяцев мурун
УКМКнын төрагасы Камчыбек Ташиев зордук-зомбулук көргөн аялдарды УКМКга кайрылууга чакырды. Бул тууралуу ал Фейсбуктагы баракчасына жазып чыкты.
«Кадамжай районунда күйөөсүнүн токмогунан каза болгон 23 жаштагы келиндин тагдыры өтө аянычтуу болду.
Эгерде сиздерге зордук-зомбулук көрсөтүлүп жатса, тез арада ар бир райондо жайгашкан УКМК кеңселерине кайрылыныздар.
Энелерди, аялдарды, кыз-келиндерди сактап, коргоп жана жардам берүүгө милдеттүүбүз», — деп жазды Ташиев.
2-январда Кадамжай районунун Масалиев айыл аймагында 23 жаштагы биринчи топтогу майыптыгы бар келин каза болду. Анын өлүмүнө шектелип күйөөсү кармалды. Баткен ОИИБи аны күйөөсү көчөдө муунтуп өлтүргөнүн билдирген.
Муну бөлүшүү