Тамекини контрабандалык жол менен Өзбекстанга алып өтүүгө аракет кылган жарандар кармалды
- 1 год мурун
Жалал-Абад облусунун Кербен шаарындагы кыргыз-өзбек чек арасындагы «Мамай» тилкесинде жана Аксы районунун Кош-Дөбө айылында контрафакттык товарды Өзбекстандын аймагына алып өтүүгө аракет кылган Кыргыз Республикасынын жарандары 1981-жылы туулган С.Н.Т. жана 1987-жылы туулган К.К.И. кармалды. Бул тууралуу Улуттук коопсуздук мамлекеттик комитетинин басма сөз кызматынан кабарлашты.
Маалыматка ылайык, кармалгандардын жанында 31 кутуга салынган 15 миң 500 таңгак өлчөмүндөгү (Milano маркасындагы) тамеки буюмдары түрүндөгү контрафакттык товар болгон.
Азыркы учурда аталган фактылар боюнча Кылмыш-жаза кодексинин 231-беренесинин 1-бөлүгү (Экономикалык контрабанда) жана 239-беренеси (Милдеттүү акциздик салык салынуучу продукцияларды акциздик маркалары жана идентификациялоо каражаттары жок жүгүртүү) негизинде кылмыш иши козголгон. Тергөө иштери уланууда.
