Талас облусунда УКМКнын “Мекен” аттуу балдар бакчасы ачылды
- 3 дня мурун
12-ноябрда Талас шаарында 150 орунга эсептелген “Мекен” бала бакчасынын салтанаттуу ачылыш аземи өттү.
УКМКга караштуу бала бакчанын ачылыш аземине Министрлер кабинетинин төрагасынын орун басары, УКМК төрагасы Камчыбек Ташиев, президенттин Талас облусундагы ыйгарым укуктуу өкүлү Эрмат Жумаев, жергиликтүү бийлик өкүлдөрү, ошондой эле улуттук коопсуздук органдарынын ардагерлери жана аталган бала бакчанын тарбиялануучуларынын ата-энелери катышты.
Аталган бала бакчанын жалпы аянты 25 сотых , ал эми имаратынын аянты 700 чарчы метрди түзөт. Курулуш иштери 2024-жылдын май айында башталып, ноябрь айында толук бүткөрүлгөн.
Сүрөт: УКМК басма сөз кызматы
Муну бөлүшүү
