Талас облусунда бир үйдөн үч кишини өлтүрүп кетишкен
- 4 месяца мурун
24-май күнү саат 00.37 чамасында 102 кызматына телефон аркылуу, Талас облусунун Айтматов районунун Ак-Башат айылында адам өлтүрүлдү деген маалымат түшкөн.
Ички иштер министрлигинин басма сөз кызматынын билдирүүсү боюнча, тезинен окуя болгон жерге аталган ички иштер бөлүмүнүн ыкчам тергөө тобу чыккан. Анда 1997-жылы туулган М.Ж. аттуу апасы жана анын төрт жаштагы кызынын, эки жарым жаштагы баласынын күч колдонуп өлтүрүлгөн сөөгү табылган.
Бул окуя Айтматов райондук ички иштер бөлүмүнүн кылмыштардын бирдиктүү реестрине кылмыш-жаза кодексинин 122-беренеси, адам өлтүрүү, менен катталып, кылмыш иши козголду.
Тергөө-ыкчам аракетинин жүргүзүү учурунда жогорудагы окуяга шектүү катары, буга чейин соттолгон, Талас облусунун Айтматов районунун Ак-Башат айылынын тургуну 1976-жылы туулган К.Н. изделип жатат.
Үйүнөн сайсыз ок атуучу курал жана балта далил катары алынган.
Кылмыш иши боюнча соттук-медициналык, соттук-биологиялык, соттук-баллистикалык жана соттук-криминалистикалык экспертизалар дайындалды.
Учурда, Талас ОИИБдин жана Айтматов райондук ИИБ кызматкерлери жеринде шектүүнү издеп табуу багытында ыкчам-тергөө аракеттери жүргүзүлүүдө.
Сүрөт: ИИМ