Тайлаков Монополияга каршы жөнгө салуу кызматынын төрагалыгынан кетти

Кеңешбай Тайлаков Экономика жана коммерция министрлигине караштуу Монополияга каршы жөнгө салуу кызматынын төрагалыгынан кетти. Бул тууралуу ал Facebook`тагы жеке баракчасына жазды.

Тайлаков кызматтан кетүү боюнча арызын 14-августта жазганын белгиледи. Ошондой эле билдирүүсүндө ведомстводо аткарган иштери тууралуу да айткан.

Эске салсак, Кеңешбай Тайлаков 2022-жылдын февралында Монополияга каршы жөнгө салуу кызматынын төрагасы болуп дайындалган.