Түндүк-түштүк жолу: Көк-Арт ашуусундагы тоннель ачылды

  • 2 года мурун

Түндүк-түштүк альтернативдүү жолунун Көк-Арт ашуусундагы тоннели казылып бүттү. Бул тууралуу президенттин Жалал-Абаддагы өкүлчүлүгүнүн басма сөз кызматы билдирди.

Маалыматка караганда, кошумча кичи тоннель, кечээ, 30-январда ачылган. Жолчулар эки тараптан тең казылып келе жаткан бөлүгүнө жетишти.

Өкүлчүлүктөн билдиришкендей, учурда негизги тоннелде жумуштар уланып жатат.

Негизги тоннел жана анын капталындагы сервистик тоннел чукул кырдаалдарда, кызмат көрсөтүүдө колдонулат. Алдыда тоннелден казылган топурактарды алып чыгуу, бетондоо, аба тазалоочу жабдыктарды орнотуу, жарыктандыруу жана суу агымын жөнгө салуу жумуштары аткарылат.

Транспорт жана коммуникациялар министрлигинин маалыматына караганда, тоннелдин узундугу 3 890 метр, туурасы 10 метрди, ал эми бийиктиги тогуз метрди түзөт. Төө-Ашуудагы Көлбаев атындагы тоннелдин туурасы 6,2, ал эми узундугу 4,5 метр.

Жол Кытайдын «Эксимбанкынан» алынган каражатка курулууда. Ишти China Road And Bridge Corporation компаниясы жүргүзүп, «Кыргыз жол транспорт долбоор» институту көзөмөлдөйт.

Курулушка 550гө чукул адам, 400 курулуш техникасы тартылган. Учурда 116 чакырымга асфальт төшөлүп, Көк-Арттагы тоннелде иш уланууда.

Муну бөлүшүү

Журналисттик иликтөөлөр

Помочь проекту

договором оферты