Суусамыр – Талас – Тараз унаа жолундагы кырсыктан беш адам жабыркады

2 года мурун

Суусамыр – Талас – Тараз унаа жолунда жол кырсыгы катталып, беш адам жабыркады. Бул тууралуу ИИМдин Жол кыймылынын коопсуздугун камсыздоо башкы башкармалыгынан билдиришти.

Маалыматка ылайык, кырсык кечээ, 8-декабрда болжол менен саат 01:30дар чамасында болгон. Honda Stepwgn үлгүсүндөгү унааныны айдоочусу алдыдагы унаадан ашып өтүп, жол кырсыгына кабылган.

Кырсыктын кесепетинен беш адам жабыркап, ооруканага жеткирилген.

Учурда автоунаа айып короосуна киргизилип, кырсыктын чоо-жайы такталууда.