Сокулукта эки өспүрүмдү сүзүп, качып кеткен айдоочу кармалды
- 2 года мурун
Чүй облусунун Сокулук районунда 6 жана 11 жашар эки баланы сүзүп, окуя болгон жерден качып кеткен деген шек менен 37 жаштагы адам кармалды. Бул тууралуу Чүй облустук ички иштер башкы башкармалыгынан билдиришти.
Маалыматка ылайык, кырсык 8-мартта саат 19:51лер чамасында Военно-Антоновка айылындагы Фрунзе жана Токтогул көчөлөрүнүн кесилишде болгон. Белгисиз айдоочу 2012-жылы туулган Д.А. жана 2017-жылы туулган Д.З.ны сүзүп, токтобостон окуя болгон жерден из жашырып кеткен.
Натыйжада балдар Сокулук райондук ооруканасынын травматология бөлүмүнө жаткырылган.
Кырсыкка шектүү 14-мартта гана кармалып, райондук милициянын Тергөө кызматына өткөрүлүп берилген.
Муну бөлүшүү
