Социалдык фонд интернетте пенсионерлерге жалган маалымат таратылып жатканын эскертти
- 9 месяцев мурун
Социалдык фонд интернетте пенсионерлерге жалган маалымат таратылып жатканын эскертти. Бул тууралуу Социалдык фонддун басма сөз кызматынан билдиришти.
«Интернетте “1-декабрга чейин Социалдык фондуна пенсиялык китепче жана паспорттун көчүрмөсүн тапшыруу зарыл, болбосо 1-январдан тартып пенсия төлөө токтотулат” деген жалган маалымат тарап жатат. Социалдык фонд бул жалган маалымат экендигин билдирет. Пенсия тууралуу бардык актуалдуу маалыматтар Социалдык фонддун расмий сайтында жана социалдык тармактарында жарыяланат. Сураныч, жарандарга туура эмес маалымат бербеңиздер. Бардык расмий билдирүүлөр биздин расмий платформаларда жеткиликтүү. Социалдык фонд жалган маалыматтарды таратпоону жана так маалымат алуу үчүн биз менен байланышууну өтүнөт», — деп жазылат маалыматта.
