Шомуродов Месси жана Мбаппе менен катар “мыкты гол” наамына талапкер болду

Өзбекстандын футбол боюнча курама командасынын капитаны Элдор Шомуродов Месси жана Мбаппе менен бирге 2026-жылы өткөн Дүйнө чемпионатындагы “Эң мыкты гол” наамы үчүн ат салышат.

FIFA 2026-жылы өткөн футбол боюнча Дүйнө чемпионатынын “эң мыкты голу” наамы үчүн талапкерлердин тизмесин жарыялады. Аталган тизмеде Элдор Шомуродов да бар.

Сыйлыкка анын Конго Демократиялык Республикасынын дарбазасына киргизген голу көрсөтүлгөн. 

Шомуродовдон сырткары талапкерлердин арасында төмөнкү оюнчулар бар: Лионель Месси (Аргентина); Килиан Мбаппе (Франция); Хулиан Альварес (Аргентина); Джуд Беллингем (Англия); Эрлинг Холанд (Норвегия); Ферран Торрес (Испания); Элайджа Джаст (Жаңы Зеландия); Сидне Лопес Кабрал (Кабо-Верде); Карим Алажбегович (Босния жана Герцеговина); Уилсон Исидор (Гаити); Дайзен Маэда (Япония).

Жеңүүчү FIFAнын расмий сайтындагы күйөрмандардын добуш берүүсүнүн жыйынтыгы менен аныкталат. Добуш берүү 27-июлга чейин уланат.

Сүрөт: Интернет булактарынан