«Саркынды суу тазалоочу жайларды салгыла». Садыр Жапаров пансионаттын ээлерине кайрылды
- 2 года мурун
Президент Садыр Жапаров Фейсбуктагы баракчасына кайрылуу жасады.
«Кечээ дагы бир жарлыкка кол койдум. Алдын ала эскертип коеюн, 2023-жылдын 1-январынан тартып, Ысык-Көлдүн айлана-тегерегиндеги пансионаттардын, эс алуучу жайлардын саркынды сууларды тазалоочу жайлары жок болсо, алардын иштөөсүнө тыюу салынат. Ошондуктан быйылкы сезондо тапкан каражатыңарга дароо саркынды суу тазалоочу жайларды салгыла. Бир топ пансионаттардын ээлери уюшуп, бир эле саркынды суу тазалоочу жай салып, анан туташтырып кошуп алсаңар туура болот деп ойлойм», — деп жазды ал.
Президент Садыр Жапаров «Ысык-Көлдүн экологиясын сактоо боюнча кечиктирилгис чаралар жөнүндө» жарлыкка кол койду.
Муну бөлүшүү
