Садыр Жапаров «Барселона» футбол клубунун президенти Жоан Лапорта менен жолугушту

  • 8 месяцев мурун

Бүгүн, 29-августта президент Садыр Жапаров испаниялык “Барселона” футбол клубунун президенти Жоан Лапорта менен жолугушту. Бул тууралуу президенттик администрациянын басма сөз кызматынан билдиришти.

Мамлекет башчы ардактуу мейманды жылуу тосуп алып, кылымдык клубдун Кыргызстанга келиши жалпы кыргызстандыктар үчүн чоң сыймык экенин белгиледи.

Ошону менен катар Садыр Жапаров Жоан Лапортанын клубду жетектеген 2003-жылдары Рональдиньо, Месси, Райкард, Пуйоль, Хави, Иньеста, Неймар сыяктуу атактуу оюнчулар каталндук команданын намысын коргоп келгенин белгиледи. Алар бир нече жолу Испаниянын чемпиону, Чемпиондор лигасынын жеңүүчүсү болгон.

“Барселона” клубунун 144 миңге жакын мүчөсү бар. “Барселона” футбол клубу футзал, гандбол, баскетбол, волейбол, регби, жеңил атлетика боюнча “Барселона” командаларын каржылап келет. Мына ушундан улам, дүйнөдөгү башка клубдардан айырмаланып, “Барселона” чыныгы элдик клуб деген атка татыктуу. Мындай “элдик клуб” деген атак-даңк албетте, сиздин өжөрлүгүңүздүн, эркиңиздин бекемдигинин, талбаган эмгегиңиздин үзүрү. Акыркы эле 2023-жылы Катарда өткөн Дүйнө чемпионатка сиз жетектеген клубдун 17 оюнчусу катышып, рекорд койду”, — деди мамлекет башчы.

Садыр Жапаров Кыргызстандагы биринчи “Барселона” академиясынын ачылышы улуттук курама команданы профессионалдуу көтөрүүгө мүмкүнчүлүктөрдү түзүп, Борбор Азияда биринчи болгондуктан ошондой эле туризмди, спортту, инвестицияны жана өлкөнүн башка тармактарын өнүктүрүүгө оң мультипликативдик таасирин тийгизерин белгиледи.

Өз кезегинде футбол клубунун президенти “Барселона” өзүнүн принциптерин, баалуулуктарын жана спорттун ар кандай түрлөрү боюнча оюн стилин даңазалай турганын белгилеп, Садыр Жапаровго Борбор Азиядагы спорт уюмунун тажрыйбасын жайылтуу демилгесин колдогону үчүн ыраазычылык билдирди.

Жоан Лапорта Кыргызстандагы жаңы “Барселона” футбол академиясы клубдун бай тарыхына негизделген спортчулардын инсандык өсүүсүнө салым кошуп, алардын дараметин толук ачууга, ошондой эле күйөрмандардын спортко болгон мамилесин жакшы жакка өзгөртө тургандыгына ишенимин билдирди.

Соңунда Садыр Жапаров Жоан Лапортага Кыргызстанда “Барселонанын” футбол академиясынын ачылышына көрсөткөн колдоосу жана ушул иш-чараларга жеке катышкандыгы үчүн дагы бир жолу ыраазычылык билдирди.

Муну бөлүшүү

Журналисттик иликтөөлөр

Помочь проекту

договором оферты