Прокурор төкмө акын Болот Назаровду 10 жылга кесүүнү сурады

2 года мурун

Эртең, 24-январда Чүйдүн Москва райондук сотунда тоноочулукка шектелип жаткан төкмө акын Болот Назаровдун иши каралат. Прокурор айыпталуучуну 10 жылга кесүүнү сурады. Бул тууралуу Temirov Live командасынын журналисти Актилек Капаров маалымдады.

Чүй облустук ички иштер башкармалыгы Назаровду былтыр 9-ноябрда “Беловодское айылынын тургунунун айгырын күч менен тартып алган” деген шек менен кармаган. Ал ошондон бери Бишкектеги тергөө абагында (СИЗО-1) камакта жатат.

Сүрөт: Айбек Бийбосунов