Президент жеңил өнөр жай тармагынын өкүлдөрү менен жолукту

Президент Садыр Жапаров, бүгүн, 21-январда жеңил өнөр жай тармагынын өкүлдөрү менен жолугушту. Бул тууралуу Президенттик администрациянын басма сөз кызматы билдирди.

Жолугушууга тигүү тармагынын, маркетплейстердин, логистикалык компаниялардын жана банктардын өкүлдөрү катышып, тармактагы көйгөйлөр жана өнүгүү жолдору талкууланды.

Мамлекет башчысы жеңил өнөр жайы мамлекеттик саясаттын артыкчылыктуу багыты экенин белгилеп, Министрлер Кабинетине тармакты өнүктүрүү боюнча конкреттүү тапшырмаларды берди.