Президент “Кылмыш-жаза процессуалдык кодексине өзгөртүүлөрдү киргизүү жөнүндө” мыйзамга кол койду
- 1 год мурун
Президент Садыр Жапаров 2025-жылдын 3-апрелинде Жогорку Кеңеш тарабынан кабыл алынган “Кыргыз Республикасынын Кылмыш-жаза процессуалдык кодексине өзгөртүүлөрдү киргизүү жөнүндө” мыйзамга кол койду.
Бул мыйзамдын негизги максаты — бөгөт коюу чараларынын ичинен күрөөнүн ролун күчөтүү, ошондой эле соттук териштирүүдө видеоконференц байланыштын натыйжалуулугун жогорулатуу болуп саналат.
Мыйзамда төмөнкү жаңы жоболор каралган:
- “Видеоконференция байланышы” жана “онлайн-трансляциялоо” түшүнүктөрү киргизилди;
- Айыпталуучуга соттук отурумдардын протоколдору менен (аудио жана видео жазууларды кошкондо) таанышууга жана аларга сын пикир айтууга укук берилди;
- Соттук териштирүүнү түз эфирде (телевидение, радио же интернет аркылуу) өткөрүү боюнча өтүнмө берүү мүмкүнчүлүгү каралды;
- Соттук отурумдарды аудио жана видео каражаттар менен милдеттүү түрдө жазуу талап кылынат;
- Аудио же видео жазуулардын жоктугу — соттун чечимин кайра кароо же жокко чыгаруу үчүн негиз боло алат;
Бул өзгөртүүлөр сот адилеттүүлүгүнүн ачыктыгын камсыз кылууга жана жараяндардын натыйжалуулугун жогорулатууга багытталган.
Муну бөлүшүү
