Ошто кайненесин сабаганга шектелген жаран камакка алынды
- 2 года мурун
Ошто кайненесин сабаганга шектелген жаран камакка алынды. Бул тууралуу Ош ОИИБинир басма сөз кызматынан билдиришти.
Маалыматка ылайык, 30-ноябрда Кара-Суу райондук ички иштер бөлүмүнө Мады айыл аймагынын 1960-жылы туулган И.Н. аттуу тургуну арыз менен кайрылган. Анда 29-ноябрь күнү 1989-жылы туулган Ж.А. аттуу күйөө баласы ур-токмокко алгандыгын билдирген. Бул факты каттоого алынып, тергөөгө чейинки текшерүү иштери башталган.
Жабырлануучуга соттук-медициналык экспертиза дайындалып, анын корутундусуна ылайык, ден-соолукка атайын жеңил зыян келтирилгендиги аныкталган.
Жабырлануучунун 1989-жылы туулган Ж.А. аттуу күйөө баласы тергөө кызматына жеткирилип, анын үстүнөн Кыргыз Республикасынын Укук бузуулар жөнүндө кодекстин 57-беренесинин (Ден-соолукка атайын жеңил зыян келтирүү) негизинде материал топтолуп, райондук соттун кароосуна жиберилген.
11-декабрь күнү 1989-жылы туулган Ж.А. аттуу жаран Кара-Суу райондук соту тарабынан 7 суткага камакка алынды.
