Ошто «Бий искусствосу-2023» эл аралык бий фестивалы башталды
- 11 месяцев мурун
- Фоторепортаж
16-августта Ош шаарында Бабур атындагы өзбек музыкалык драма театрынын алдында алгачкы ирет «Бий искусствосу-2023” эл аралык бий фестивалы башталды. Бул тууралуу Ош шаардык мэриядан билдиришти.
Маалыматка ылайык, фестивалдын ачылыш аземинде Ош шаарынын мэринин орун басары Нурбек Кадыров жалпы бий өнөр ээлерин куттуктады.
Иш-чаранын алкагында бийчилердин жөө жүрүшү болуп, республиканын бардык аймактарынан жана чет өлкөдөн келген кол өнөрчүлөрдүн көргөзмө-жарманкеси өттү.
Белгилей кетсек бий фестивалына Индия, Өзбекстан, Казакстан, Россия жана Кыргызстандын таланттары катышууда. Иш-чара 19-августка чейин уланат.
Муну бөлүшүү
