Ош шаарында опузалоого шектелген жаран кармалды

2 месяца мурун
Видео

Ош шаардык ички иштер башкармалыгына И.М. аттуу жаран арыз менен кайрылып, белгисиз жаран акча опузалап жатканын билдирип, чара көрүп берүүнү суранган.

Бул тууралуу ички иштер министрлигинин басма сөз кызматы билдирди.

Маалыматта айтылгандай, 2024-жылдын 24-июнунан тартып ушул күнгө чейин арыздануучуга белгисиз жаран телефон чалып,150 миң сом акча каражатын талап кылып, балдарга сабатып, өлтүрүп кетемин деп коркутуп жаткандыгы аныкталган.

Аталган факты боюнча кылмыш-жаза кодексинин 208-беренеси, опузалоо боюнча кылмыш иши козголгон.

“Кылмыш ишинин алкагында ыкчам-тергөө иш-чараларын ИИМдин кылмыш иликтөө башкы башкармалыгынын кызматкерлери тарабынан жүргүзүлүп, 2024-жылдын 17-июнунда Ош шаарында 40 миң сом өлчөмүндөгү акча каражатын арыздануучудан алып жаткан жеринен 1991-жылы туулган К.А. кармалып, Ош шаардык ИИБдин тергөө кызматына жеткирилген.

Учурда тергөө иштери жүрүп жатат” деп айтылат маалыматта.