Ош ОИИБ: Араванда баңги затын мыйзамсыз түрдө сактаган жаран кармалды
- 1 год мурун
Араванда баңги затын мыйзамсыз түрдө сактаган жаран кармалды. Бул тууралуу Ош ОИИБинин басма сөз кызматынан билдиришти.
Маалыматка ылайык, февраль айында Араван райондук ички иштер бөлүмүнүн кызматкерлери “Үй-бүлө” аталышындагы алдын алуу иш-чарасын өткөрүү жөнүндө буйругунун негизинде барган учурда айыл тургунун үйүнүн короосунда шек туудурган өзгөчө жыты бар кургатылган өсүмдүктөр табылган.
Аталган факт боюнча, Араван РИИБдин тергөө кызматы тарабынан Кылмыш-жаза кодексинин 283-беренесинин (Баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо) негизинде кылмыш иши козголгон.
Жүргүзүлгөн ыкчам жана тергөө иш-чараларынын жыйынтыгында, бул кылмышка шектүү катары Төө-Моюн айыл аймагына тургуну 1972-жылы туулган К.К., аттуу жаран кармалып, убактылуу кармоочу жайга киргизилди.
Белгилей кетсек, шектүүнүн үйүнө кароо жүргүзгөн учурда, жалпы салмагы 1 (бир) кг. 646 (алты жүз кырк алты) гр. болгон өзгөчө жыты бар баңги затына окшогон кургатылган өсүмдүктөр алынган. Шектүүдөн алынган өзгөчө жыты бар затка экспертиза дайындалып, анын корутундусуна ылайык, ал зат “марихуана-высушенной” экендиги аныкталган.
Учурда тергөө амалдары уланууда.
