Орусия элчилигинин алдына митингге чыккандарды милиция кармап кетти
- 2 года мурун
Орусиянын Кыргызстандагы элчилигинин алдына митингге чыккан укук коргоочулар Өндүрүш Токтонасыров, Динара Ошурахунова жана Азиза Абдирасулованы милиция кармап кетти.
Бүгүн, 17-мартта айрым жарандык активисттер, укук коргоочулар элчиликтин алдында Украинаны колдоо максатында акцияга чыгышкан.
Милиция азырынча бул боюнча комментарий бере элек.
14-мартта Бишкектин Биринчи май райондук соту Орусиянын Кыргызстандагы элчилигинин алдында 11-марттан 11-апрелге чейин митинг, акцияларды өткөрүүгө тыюу салуу боюнча райондук ички иштер бөлүмүнүн чечимин мыйзамдуу деп тапкан.
Ала-Тоо аянтында, Жогорку Кеңештин жана президенттик администрациянын имаратынын алдында да акцияларды өткөрүүгө убактылуу тыюу салынган.
Мындай иш-чараларды Бишкектин Максим Горький атындагы скверде уюштурса боло турганы кабарланган.
