Ноокатта «Кадастр» мекемесинин жооптуу кызматкерлери кармалды

  • 1 год мурун

Улуттук коопсуздук боюнча мамлекеттик комитети  (УКМК)  Ош облусунун Ноокат районундагы Жаңы-Ноокат жана А.Мирмахмудов айыл аймактарында жайгашкан 65 гектардан ашык жер аянтын жеке турак жай куруу үчүн айыл чарба жерлерин мыйзамсыз берүү фактыларын аныктады.

Бул факт боюнча Ош облусунун Ноокат райондук «Кадастр» мамлекеттик мекемесинин жооптуу кызматкерлери УКМКнын кызматкерлерине пара берүүгө аракет кылышкан.

2-июнда УКМК кызматкерлери тарабынан кылмыш-жаза кодексинин 345-беренесинин 2-бөлүгүнүн 2-пункту (пара берүү) менен мурда козголгон кылмыш ишинин алкагында, Ноокат районунун «Кадастр» мамлекеттик мекемесинин жерге жайгаштыруу бөлүмүнүн башчысы Н.М. жана жетектөөчү адис К.у.К. УКМКнын кызматкерине 200 миң сом өлчөмүндө акча каражатын пара катары берип жаткан учурунда кармалды.

Кармалгандар Ош шаардык ИИБ убактылуу кармоочу жайына киргизилди. Учурда бул коррупциялык схемага тиешеси бар бардык адамдарды аныктоо максатында жерди алдаган бир нече фактыларды документтештирүү боюнча тергөө амалдары жүрүп жатат.

 

 

Муну бөлүшүү

Журналисттик иликтөөлөр

Помочь проекту

договором оферты