Мыйзамсыз диний үгүт жүргүзгөн чет элдик үч жаранга айып пул салынды
- 2 месяца мурун
Улуттук коопсуздук мамлекеттик комитети (УКМК) Ысык-Көл облустук ички иштер башкармалыгынын экстремизмге жана мыйзамсыз миграцияга каршы күрөшүү кызматы менен бирге «Слово божье» (Compel) диний кыймылынын мыйзамсыз диний-үгүт ишине бөгөт койду.
УКМК басма сөз кызматынын маалыматында айтылгандай, Ысык-Көл районундагы пансионаттардын биринин аймагында КР дин иштери боюнча мамлекеттик комиссиянын аккредитациясы жок, мыйзамсыз диний үгүт иштерин жүргүзүшкөн чет өлкөлүк үч жаран кармалды.
Чет мамлекеттин аталган жарандарына карата кылмыш-жаза кодексинин 142-беренесинде каралган укук бузуулар жөнүндө протоколдор түзүлүп, айып пул салынды.
Сүрөт: УКМК басма сөз кызматы
Муну бөлүшүү