Мурдагы вице-премьер-министр Жеңиш Разаков алдамчылыкка шектелип кармалды
- 1 год мурун
Мурдагы вице-премьер-министр Жеңиш Разаков алдамчылыкка шектелип кармалды. Бул тууралуу Kaktus.media күч түзүмдөрүндөгү булактарына таянып жазды.
Маалыматка ылайык, Разаков кечээ, 24-январда Жогорку Кеңештин мурдагы депутаты Арзыбек Буркановдун арызынын негизинде ИИМдин тергөө кызматы тарабынан кармалып, убактылуу кармоочу жайга киргизилген.
ЖМК өз булактарына таянып Жеңиш Разаков Бурхановдон 1 млн 200 миң доллар алып, кайра кайтарып бербегенин жазышууда.
ИИМдин басма сөз кызматы бул боюнча маалымат тактала элек экенин билдирди.
Жеңиш Разаков 2017-2018-жылдары президенттин кеңешчиси, 2018-2020-жылдары вице-премьер-министр кызматтарын аркалаган.
Милициянын полковниги наамына ээ.
Муну бөлүшүү
