Москвада Борбор Азия өлкөлөрүнүн тилдеринде аскерге чакырган жарнамалар илинди

  • 1 год мурун

Москванын түштүгүндөгү «Сахарово» миграциялык борборунда орус армиясында кызмат өтөөгө чакырган жарнамалар кыргыз, тажик жана өзбек тилинде жайгаштырылды.

Жарыяларда эмгек мигранттарына орус жарандыгы жеңилдетилген шартта берилери айтылган.

«Мосгортранс» РБК агенттигине мындай жарнама эки айдан бери жайгаштырылып жатканын тастыктады. Маалыматка караганда, рекламага миграциялык борбор буюртма берген жана автобустарга илинген.

Күзүндө Мамдума орус армиясы менен бир жылдык келишимге кол койгон чет өлкөлүктөргө жарандык берүүнү жеңилдеткен мыйзамды кабыл алган. Бул Украинадагы согушта болуп көрбөгөндөй жоготуулар орун алып, мобилизацияга туш боло турган орусиялыктар өлкөдөн жапырт чыгып кетип жаткан маалга туш келген.

Сентябрда Кыргызстандын Орусиядагы элчилиги өз жарандарына чет өлкөдө согуштук аракеттерге катышуу кылмыш экенин эскерткен.

Муну бөлүшүү

Журналисттик иликтөөлөр

Помочь проекту

договором оферты