Монголияда өткөн тогуз коргоол боюнча Азия чемпионатына Кыргызстандан 32 спортчу катышты
- 1 год мурун
4-августтан 12-августка чейин Монголияда тогуз коргоол боюнча Азия чемпионаты болуп өттү. Бул тууралуу Бишкек шаарынын мэриясынын басма сөз кызматынан билдиришти.
Азия чемпионаты 14 жашка чейинки жана 19 жашка чейинки улан-кыздар арасында, ошондой эле чоңдор арасында «стандарт», «блиц» жана «рапид»категорияларында өткөрүлдү.Кыргызстандын атынан жалпысынан 32 спортчу катышты. Алардын ичинен 5 олимпиадалык резервдеги спорттун улуттук жана стол үстүндөгү түрлөрү боюнча адистештирилген балдар-өспүрүмдөр мектебинин тарбиялануучулары. «Стандарт» категориясында Сейдахматов Байымбет биринчиликти багындырды. Гүлайым Сагыналиева коло медаль тагынды. «Блиц» категориясында Марсель Кудайбердиев жана Эркежан Асанкулова коло медалдарды жеңип алышты.
Муну бөлүшүү
