Министрлер кабинети MEGA`нын акцияларын 14,6 млрд сомго сатууда
- 1 год мурун
«Альфа-Телеком» (MEGA соода маркасы, мурдагы MegaCom) жабык акционердик коомунун акциялары аукционго коюлду. Бул тууралуу Мамлекеттик мүлктү башкаруу фонду кабарлады.
Фонддон билдиришкендей, мамлекеттик акциялардын 100% толук пакети электрондук аукционго коюлду. Акциянын баштапкы суммасы — 14 миллиард 600 миллион сом.
Электрондук аукцион электрондук соода аянтынын порталында өткөрүлөт.
Табыштамалар 2023-жылдын 4-июлунда Бишкек убактысы боюнча саат 10:00дө кабыл алына баштайт.
Табыштамаларды кабыл алуу 2023-жылдын 2-октябрында Бишкек убактысы боюнча саат 10:00дө аяктайт.
Электрондук аукцион 2023-жылдын 2-октябрында Бишкек убактысы боюнча саат 16:00дө башталат.
Муну бөлүшүү
