Мектепке электрондук каттоо: Ата-энелердин арыздары кабыл алынууда
- 2 года мурун
15-августтан тарта Бишкек шаарындагы Октябрь, Свердлов, Биринчи Май жана Ленин райондорунун билим берүү бөлүмдөрү баласын мектепке онлайн каттай албай жаткан ата-энелердин арыздарын кабыл алууну баштады. Бул тууралуу Билим берүү жана илим министирлигинин басма сөз кызматы билдирди.
Маалыматка ылайык, аталган министирлик Бишкек шаарынын билим берүү башкармалыгы менен биргеликте баласын 1-класска каттоого жетишпей калган жана каттоо учурунда көйгөй жаралган ата-энелерге көмөк көргөзүү үчүн атайын топ түзгөн.
Комиссиялык топ ата-энелерден келген арыздарды карап чыгып, тиешелүү микроучастогу боюнча катталуусуна байланышкан маалымат менен камсыз кылат.
Ата-энелер иш күндөрү тиешелүү микроучастогу боюнча райондук билим берүү бөлүмүнө келип, арызын калтыра алат.
Белгилей кетсек, Арыздарды кабыл алуу эртең мененки саат 8:30дан 17:30га чейин жүргүзүлөт.
