«МедиаКоон: Эркиндик үчүн» — саясат жана жарандык активизм, теңдүүлүк жана сергек жашоо образы жөнүндө контент тууралуу форуму
- 2 года мурун
26-октябрда «МедиаКоон: Эркиндик үчүн» — саясат жана жарандык активизм, теңдүүлүк жана сергек жашоо образы жөнүндө контент тууралуу форуму Бишкекте өтөт.
Иш-чарада Кыргызстан жана Борбордук Азиялык контент жаратуучулар куралдуу кагылышуу, журналисттик иликтөө, протесттик музыка, жарандык журналистика, активдүүлүк жана уникалдуу социалдык долбоорлор сыяктуу чөйрөлөрдө контентти түзүү жана жайылтуу тууралуу талкуулашат.
МедиаКоон: Эркиндик үчүн — баштапкы булактан контент түзүү жөнүндө уникалдуу билим ала турган жер.
Иш-чара бир убакта 4 параллелдүү секцияда өтмөкчү:
— Дискуссия аянтчасы (башкы сцена)
— Көргөзмө аянтчасы (фото, иллюстрации жана арт-объекттер)
— Видео жана сүрөт тартуу студиясы (өзүнчө бөлмө)
— Подкастинг студиясы (өзүнчө бөлмө)
Катышуучулардын ыңгайлуулугу үчүн региондордон трансфер жана иш-чара убагында тамактануу уюштурулат.
Катышуу үчүн бул шилтеме аркылуу каттоодон өтүү керек. Жаңылыктар жана иш-чаранын программасы — долбоордун Instagram баракчасында берилет.
«МедиаКоон: Эркиндик үчүн» форуму — «Медиажаса» долбоорунун акыркы этабы.
«Медиажаса» — жарандык баалуулуктар жана эркиндиктер боюнча дискурс түзүүгө багытталган мультимедиялык демилгелерди колдойт. Аталган долбоор «Сорос-Кыргызстан» Фондунун колдоосу менен IDEA Central Asia тарабынан ишке ашырылууда.
Суроолор боюнча долбоордун координатор айымы Саида Нуралиевага кайрылыңыз:
+996 779 696 995, [email protected].
