«Манас» аэропортунда бомба табылган жок. Аба майданы штаттык режимде иштеп жатат

16-майда «Манас» эл аралык аэропортуна жардыруучу зат коюлганы тууралуу маалымат түшүп, кызматкерлер менен жүргүнчүлөр эвакуация болуп, 40 мүнөттөн кийин кайра имаратка киришти.

Аба майданынын басма сөз кызматы ЖМКга билдиргендей, бомба коюлганы тууралуу маалымат аэропорттун электрондук почтасына келген, имаратта текшерүү жүрүп, эч кандай жардыруучу зат табылган эмес.  Учурда аэропорт штаттык режимде иштеп жатат, пландалган рейстер токтотулган жок.